|
|
|
Важна!
|
|
Усіх, хто мае інфармацыю і матэрыялы па гэтай тэме, якія могуць быць зьмешчаныя тут для шырокага распаўсюду, мае жаданьне і магчымасьць дапамагчы ў зьбіраньні матэрыялаў, сканаваньні і вычытцы, дасканаленьні гэтага сайту, ласкава запрашаем да супрацоўніцтва. Наша пошта: represii@gmail.com.
|
|
Апошнія навіны :
05.08.08 07:06  У выбуху падазраюць і пастара?
|
|
Супрацоўнікі КДБ зрабілі ператрус у доме пратэстанцкага пастара, сябра аргкамітэту БХД Эрнэста Сабілы ў Асіповічах. 76-гадовы Сабіла зьяўляецца пастарам пазбаўленай рэгістрацыі пратэстанцкай беларускамоўнай супольнасьці Беларуская Эвангельская Царква, шматгадовым вязьнем савецкага ГУЛАГ-у.
|
|
|
04.08.08 20:21 Памёр Аляксандр Салжаніцын
|
|
У Маскве на 90-ым годзе жыцьця памёр вядомы расейскі пісьменьнік, ляўрэат Нобелеўскай прэміі Аляксандар Салжаніцын, які ў свой час адкрыў усяму сьвету жахі савецкага ГУЛАГу. Паводле сына пісьменьніка, сьмерць надыйшла у ноч з 3 на 4 жніўня, прычынай смерці стала вострая сардэчная недастатковасць.
Сьмерць Аляксандра Салжаніцына зьяўляецца вялікай стратаю для ўсіх. Аргкамітэт па стварэньні Беларускай Хрысьціянскай Дэмакратыі выказвае глыбокія спачуваньні сям’і Аляксандра Ісаевіча і ўсяму расейскаму народу.
|
|
|
01.08.08 05:40 Чарговая акцыя памяці прайшла 29 ліпеня ў Курапатах
|
|
29 ліпеня адбылося чарговае памінаньне ахвяраў палітычных рэпрэсіяў у Курапатах. Гэта доўгатэрміновае мерапрыемства ў память аб нявінных ахвярах аўтарытарнага цемрашальства праводзіцца штомесячна з мэтай нагадаць грамадскасьці аб адной з самых трагічных датаў перыяду рэпрэсіяў - 29 кастрычніка 1937 года, калі за адну ноч было забіта каля 100 выбітных прадстаўнікоў беларускай інтэлігенцыі. Разам з тым, гэта таксама і памяць аб так званым, «танэлі сьмерці» - планамерным зьнішчэньні «ворагов народа» (до 150 чалавекаў у дзень!) са жніўня 1937 году па лістапад 1938-го.
|
|
|
|
19.07.08 14:18 Сьвечка памяці ахвяраў галадамору ў Менску
|
|
У амбасадзе Ўкраіны адбылася перадача сьвечкі памяці ахвярам галадамору ва Ўкраіне. Яе прывезьлі з суседняй Літвы. Сьвечку перадавалі з краіны ў краіну з Аўстраліі. З Беларусі сьвечку памяці павязуць у Польшчу.
|
|
|
|
10.07.08 13:08 Расейская праваслаўная царква заклікае асудзіць камунізм
|
|
Расейская праваслаўная царква заклікае ўлады асудзіць камуністычны рэжым ня толькі на словах, але і на справе. Аб гэтым заявіў прадстаўнік Маскоўскага патрыярхату сьвятар Георгі Рабых, выканаўца абавязкаў сакратара па узаемадачыненьнях Царквы і грамадства аддзела зьнешнецаркоўных стасункаў РПЦ.
|
|
|
02.07.08 21:39 Памёр вязень сталінскага ГУЛАГу Віктар Сікора, патрыёт і змагар за незалежную Беларусь
|
|
У вёсцы Малыя Алашкі ў Шаркаўчынскага раёну памёр Віктар Сікора (1925 - 2008), удзельнік беларускага нацыянальнага Супраціву часоў Другой сусветнай вайны, вязень сталінскага ГУЛАГу. Сікора быў вядомы як адзін з кіраўнікоў колішняга Саюзу беларускай моладзі ў Паставах, лідэр Пастаўскае філіі Беларускай Незалежніцкай партыі, камандзір партызанскага антысавецкага аддзелу на Пастаўшчыне. 12 ліпеня яму было б 83 гады.
|
|
|
25.06.08 16:47 У нядзелю 29-га чэрвеня ў Курапатах у 18-00 адбудзецца традыцыйнае памінаньне ахвяраў камуністычных рэпрэсіяў
|
|
У нядзелю 29-га чэрвеня ў Курапатах у 18.00 адбудзецца традыцыйная акцыя памяці ахвяраў камуністычных рэпрэсіяў. Неабыякавыя людзі ізноў прыйдуць на у гэтае журботнае, сьвятое для беларусаў месца, каб запаліць сьвечкі, ускласьці кветкі, памаліцца за нашых бязьвінна загінулых продкаў, каб гэтая трагедыя больш не паўтарылася. Гісторыкі і грамадскія дзеячы распавядуць аб гісторыі сталінскіх рэпрэсіяў у Беларусі ды аб гісторыі Курапатаў.
У такім фармаце жалобныя мерапрыествы па ўшанаваньні памяці ахвяраў камуністычных рэпрэсіяў праводзіцца ў 29-ты дзень кожнага месяца напрацягу ўсяго 2008-га году да лістапада ўключна. Арганізуе іх секцыя «Мемарыял» Беларускага таварыства па ахове помнікаў гісторыі і культуры пры падтрымцы сябраў аргкамітэту БХД ды іншых грамадскіх і палітычных актывістаў.
|
|
|
21.06.08 20:25 Фільм пра Курапаты атрымаў Гран-пры каталіцкага фэстывалю
|
|
Гран-пры IV міжнароднага каталіцкага фэстывалю хрысьціянскіх фільмаў і тэлепраграмаў "Магніфікат-2008", які прайшоў 17—21 чэрвеня ў Глыбоцкім раёне Віцебскай вобласьці, атрымаў дакумэнтальны фільм беларускага кінарэжысэра Міхаіла Жданоўскага "Ва ўсе дні" пра мастаку-іканапісца, які піша абразы на камянях у Курапатах.
Як паведаміў БелаПАН старшыня фэстывалю, кінарэжысэр Юры Гарулёў, фільм М.Жданоўскага разьвівае тэму, распачатую рэжысэрам у 1990-я гады ягонай знакамітай стужкай "Дарога на Курапаты" (аўтар сцэнару - А.Лукашук, апэратар - С.Пятроўскі).
|
|
|
|
Артыкулы
|
|
|
|
Каляндар
|
|
«
| aug.2008 | | | Пн. | Аўт. | Сер. | Чц. | Пт. | Сб. | Ндз. | | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
|
© 2008 ПАКАЯНЬНЕ - Праект Беларускай Хрысьціянскай Дэмакратыі
