У 15 і 16 траўня ў Віцебску і ў Полацку адбыліся сустрэчы моладзі і вернікаў з былым вязьням сталінскіх лагероў пастарам Эрнстам Сабілам. Яны былі арганізаваныя пры дапамозе сябраў аргкамітэту БХД, у які ўваходзіць і спадар Эрнст, у межах праекту "Пакаяньне".
Сябры аргкамітэта БХД г. Гомеля зьвярнуліся ў суд са скаргай на райвыканкам Новабеліцкага раёна. Грамадзяне патрабуць ад райвыканкама прадаставіць ім матэрыялы, датычныя масавых пахаваньняў ахвяраў сталінскіх рэпрэсій у Шчакатоўскім лесе, прыблізна ў кіламетры ад горада.
На 15 сутак адміністрацыйнага арышту асуджаны журналіст, аўтар кнігі "Кроў і попел Дражна" Віктар Хурсік. Такое рашэньне сёньня прыняў суд у Старых Дарогах, куды Віктар Хурсік выехаў на ўласным аўто, атрымаўшы адтуль позву. Суд палічыў, што Хурсік удзельнічаў у несанкцыянаваным усталяваньні крыжа ў памяць ахвяраў савецкіх партызанаў14 красавіка 1943 г.
Галадамор – гэта генацыд, сьвядома і мэтанакіравана зьдзейснены камуністычным рэжымам у 30-х гадах ХХ стагодзьдзя. Такой зьяўляецца агульная выснова дыскусіі 2-дзённай міжнароднай навукова-практычнай канферэнцыі “1929-1934: Сталінская “рэвалюцыя зьверху” ці вынішчэньне сялянства і Галадамор на Беларусі”, якую ў мiнулыя выходныя правяла мемарыяльная секцыя Беларускага дабраахвотнага таварыства аховы помнікаў гісторыі і культуры. Канферэнцыя з удзелам беларускiх i ўкраiнскiх гiсторыкаў была прысьвечаная гадавіне Барысаўскага галоднага бунту.
9 траўня ў 63-ю гадавіну перамогі над фашызмам ў гарадах Беларусі праходзяць урачыстыя мерапрыемствы з удзелам ветэранаў. На вуліцы выходзяць са сьцягамі і партрэтамі камуністычных катаў Леніна і Сталіна, імем якіх у Беларусі у гады рэпрэсіяў рабіліся злачынствы ня меньшыя за злачынствы фашыстоўскіх карнікаў падчас 2-й Сусьветнай Вайны.
Краязнаўцы Сьветлагорскага раёна Гомельскай вобласьці адшукалі невядомыя раней зьвесткі з жыцьця рэпрэсаванага беларускага мовазнаўцы акадэміка Сьцяпана Некрашэвіча (08.05.1883, вёска Данілаўка Сьветлагорскага раёна — 20.12.1937). Аб гэтым паведаміў мясцовы краязнаўца Віктар Раманцоў.
Зь ізалятару ў Старых Дарогах выйшаў на волю апазыцыйны актывіст Вячаслаў Сіўчык, якога пакаралі за ўдзел ва ўсталяваньні крыжа ў вёсцы Дражна ў памяць пра забітых партызанамі мясцовых жыхароў.
30 красавіка споўніўся год з дня супачыну Васіля Супруна – паэта, краязнаўцы, археолага, кіраўніка беларускага патрыятычнага маладзёвага антысавецкага падполля ў 1946-1947 гадах на тэрыторыі Заходняй Беларусі ды былога вязьня сталінскіх лагероў Інты і Варкуты. Гэтай сумнай гадавіне была прысьвечаная вечарна памяці, што адбылася ў мінулую нядзелю 4 траўня ў Слонімскай цэнтральнай раённай бібліятэцы імя Якуба Коласа. Сустрэча была арганізаваная пры дапамозе сябраў аргкамітэту Беларускай Хрысьціянскай Дэмакратыі ды пры падтрымцы згуртаваньня беларусаў сьвету "Бацькаўшчына".
Курапаты — адна з многіх мясьцінаў на тэрыторыі Беларусі, дзе былі забітыя і пахаваныя ахвяры сталінскіх рэпрэсіяў. Курапаты сталі своеасаблівым сымбалем — менавіта сюды звычайна прыходзяць людзі, якія ня ведаюць, дзе пахаваныя іх родныя і блізкія.
Першыя грамадзяне Рэспублікі Беларусь атрымалі “карту паляка”. Імі сталі восем жыхароў Гарадзеншчыны, пераважна людзі сталага веку, якія ў свой час атрымалі вялікія тэрміны зьняволеньня ў сталінскіх лагерах за тое, што належалі да Арміі Краёвай.
Усіх, хто мае інфармацыю і матэрыялы па гэтай тэме, якія могуць быць зьмешчаныя тут для шырокага распаўсюду, мае жаданьне і магчымасьць дапамагчы ў зьбіраньні матэрыялаў, сканаваньні і вычытцы, дасканаленьні гэтага сайту, ласкава запрашаем да супрацоўніцтва.
© 2008 ПАКАЯНЬНЕ - Праект Беларускай Хрысьціянскай Дэмакратыі
таварыства аховы помнікаў гісторыі і культуры. Канферэнцыя з удзелам беларускiх i ўкраiнскiх гiсторыкаў была прысьвечаная гадавіне Барысаўскага галоднага бунту.
